ڈیپ فیکس مواد کی شناخت کیسے کی جائے ؟ تحریر:عبید اللہ

ڈیپ فیکس مواد کی شناخت کیسے کی جائے ؟اس سوال کے جواب کو جاننے سے پہلے ہمیں یہ معلوم ہونا چاہئیے کہ ڈیپ فیکس کس بلا کا نام ہے اور اس کا آغاز کب ہوا؟ ڈیپ فیکس،دراصل مصنوعی تصاویر اور ویڈیوز ہیں جو خاص قسم کی مشین لرننگ کے ذریعے تیار کی جاتی ہیں،جسے “ڈیپ لرننگ”کہا جاتا ہے۔اس ڈیپ لرننگ ہی کی وجہ سے اس عمل کو ڈیپ فیکس کا نام دیا گیا ہے ۔اب آتے ہیں اپنے اصلی موضوع کی جانب کہ ڈیپ فیکس مواد کی شناخت کیسے کی جائے ؟اس کی شناخت کے لیے کچھ خاص باتوں پر توجہ دینا نہایت اہم ہے۔چہرے پر تاثرات کا نہ ہونا۔آنکھوں کو نہ جھپکنا یا اگر جھپکیں تو عجیب معلوم ہوں ،تو سمجھ لیں کہ یہ جعلی مواد ہے۔ڈیپ فیکس مواد میں چہرے کی رنگت کو دیکھ کر یہ معلوم کیا جاسکتا ہے کہ آیا تصویر یا ویڈیو میں چھیڑ چھاڑ کی گئی ہے یا نہیں۔چہرے کے گرد یا کانوں اور بالوں کے گرد دھندلاپن اس کی ایک اہم نشانی ہے۔ڈیپ فیکس مواد کی شناخت میں آخری لیکن سب سے اہم شے آواز کے سننے اور ہونٹوں کے ہلنے میں تضاد کا نظر آنا ہے۔بین الااقوامی سطح پر کثیر تعداد میں ادارے اس کی روک تھام کے لیے اقدامات کررہے ہیں۔2019ء میں فیس بک نے “ڈیپ فیکس ڈیٹیکشن چیلنج” منعقد کیا ،جس کی انعامی رقم دس لاکھ امریکی ڈالر تھی۔اس چیز کے امکانات بہت کم ہیں کہ ڈیپ فیکس کو مکمل طور پر بند کردیا جائے کیونکہ فلم اور گیمنگ انڈسٹری کا انحصار اس ہی پر ہے۔